Jump to content

  • Log in with Facebook    Log in with Windows Live    Log In with Google      Sign In   
  • Create Account


- - - - -

Imamo Ke Haqeeqat (Status of Schloars in Islam)


  • Please log in to reply
No replies to this topic

#1 OFFLINE   deer

deer

    Advanced Member

  • Senior Member
  • Topics: 23
  • Posts: 368
  • Thanked: 4 times
  • Joined: 23-December 09
  • Local time: 03:00 PM
  • Gender:Male
  • Religion:Islam (Sunni)

Posted 01 January 2010 - 08:54 PM

Bismillaha As Salam wale kum wa rahematul laa hi barkatahu

Sub Taarifey Allaha Talah kou Saazavar hain jo Rabbul Alaameen hain,
kul kaayenat zameen o aasmaan ka haqeeqi malik hain, woh akela aur wahed
laa shareek hain, paak waa be aaiab hain, woh saame o aleem aur baseer hain
Sub kaa palanhar hain, woh raat din aur chand sitaro ka malik hain, samandar
aur uske ander ke kul maqlooq per khader hain, hum sub ke sub es daar ke
muhtaj hain, faqeer o ghulam hum es ke tareef kerne se khasir hain, jis khader
tareef ke jaye kam hain.

Allaha Talha ka bada fazal o karam hain ke hum mey aakhri paighambar Rahematul Aalaamen Hazrat Mohammed (P.B.U.H) kou maboos farmaya aur hum kou khaire-ummat ke laqab se Nawaza es neemat-e-azeemi ka jis khader shukr aada kare kam hain.

Lamhe Fikar

Aaj Kaal ke Baaz Musalman Quran o Hadees per aamal kerne walo kou Naya firqa, waa Naya mazhab kay naam se yaad kerte hain. aur phir ess say mutjaviz hou kar Charo Imamo mey sey kisi ek Imam ke Taqleed Naa kerne walo kou Ghairmuqalidin waa Kharijul Islam ke Laqab se Nawazte hain

Aakhir Yeh Quran o Hadees Per Aamal kerne walo ke Buniyad Kab sey hain?

Insha Allaha hum yaha per aab Quran o Hadees Per Aamal kab sey hain Aur Taqleed Shaksi aur nisbat aaima aur Mazahibe aarba kab se hain aur kis tarha islam mey Dakil kiye gaye? naiz Tadween Hadees waa Tadween Fiqa kab se hui? es ke aalawa Aqwal Aaima Arba kou Paysh kerke Tafseel ke Saath Guftagu kareange Taake Fark Kiya jaaye ke Saahi aur Ghalat kya hain, Aksar Ulma-e-Salaf ne Firqo ke nisbat Badi Badi Keetabe likhi hain. lekin hum yaha per sirf apni esla chahate hain, kisi Imam yaa kisi maslak per uungli uthana nahi, aur jo kuch bhi es mey ghalti hogi woh meri kotahi ke wajhe se hogi, aur jo baath es mey haq hain woh allaha rabbul ke izzat taraf sey hain, umeed hain ke aap log kou essey faida milega, jo baath aap logo kou ess mey haq dekhe ussey kubul kar lijiye, aur jo baath ghalth dhike tou please meri esla ker di jiye.


Mohammed (pbuh) ka daur Nabuwat 23 saala raha aur dour-e- khulfa-e-rasheedin Taqreeban 30 saal raha aur daur-e-sahaba (Razi Allah hu talha an hu)
60 years raha , es tarha total 1 hijri say 100 Hijri tak raha, woh sub ke sub
Musalman Quran aur hadees ke etteba kerte theay yeh pahele saadi ke musalam
Islam ke parwane waa shaydai Lakho ke taadat mey theay, en ke nisbat ek saawal
kudh ba kudh paida hota hain ? key woh musalman Kiss Imam ke Taqleed kerte theay Aur woh kiss imam ke naam se pukare jaate theay, kya woh musalman

Hanfi, Maliki, Shafai, Hambali theay ? aur doasra saawal yeh paida hota hain ke kya en Imamo ke alag alag mazhab es waqt moujud theay ? Teesra saawal yeh paida hota hain ke Paheli saadi ke musalman ummat, Mohammed (pbuh) khulfa-e-rasheedin,Sahaba, (R.A) jo Qura aur hadees per amal kerte theay tou baa kaul aaj kaal ke baaz musalmano ka ilzam en per bhi aayad hou sakhta hain?

En Sub Saawalo ka jawab Sirf Nafi mey hoga kyu ke paheli saadi Aaima Araba ka
naam o Nisha naa tha aur naa hi enke weeladat hui thi

Tou essey yeh saabit huwa ke Paheli saadi hijri mey Taqleeq Shakshi aur Nisbate
Aaima Aarba ka Wajood naa tha.

Es ke Tasdeek Dopahar ke Suraj ke Taraha Weeladatey Aaima Aarba sey Zahir hojati hain,

1. Hazrat Imam Abu Haneefa 80 Hijri Mey Paida Huwey
2. Hazrat Imam Malik 93 Hijri Mey Paida Huwey
3. Hazrat Imam Shafai 150 Hijri Mey Paida Huwey
4. Hazrat Imam Ahmed Ibne Hambal 164 Hijri Mey Paida Huwey.

Insha Allah Es Tafseel Sey Saaf Zaher Hain kay

Islam Naam Hain ---- Quran Aur Hadees Per Aamal Kerne Ka
Islam Mehdoot Hain ---- Quran Aur Hadees Key Daire Mey


Islam Mukamil Din Hain Jis ke Daleel Yeh Hain (Surey Maida Aayat No # 3)

Tarjuma:- Aaj Maine Tumhara Din Kaamil Kerdiya aur tum per apni Neymat Puri
Kerdi aur Maine Islam kou tumhara Din Pasand Kiya Hain.

Allaha Talaha ney yeh aayat nazil farma kar Islam ke mukamil hone ke mohar
Lagadi. Esko koi musalman inkar nahi ker sakhta, Lehaza es aayat-e-kareema
ke moujudgi mey kisi musalman ummati kou hargiz yeh haq nahi ke Islam mey koi
Nai chiz dakil kare yaa koi chiz kharij kare yaa kisi chiz ke kaami samajh kar
ezafa kare Agar koi ummati Islam mey es khism ke dakhal andazi karega tou
Nouzbilla es aayate karema ka inkari hoga aur zara souchiye asie inkari logo
ka Qayamat ke din Kya Hashar hoga?

Allaha ne Quran mey Farmaya hain (Surey: Altagabeen Aayat No # 12)

Tarjuma:- Etaat karo Allah ke aur etaat karo Rasool (PBUH) Ke

Hadees:- Ershad-e-nabawi hain Musa (PBUH) ke Ummat mey 72 Firqey theay
Mere Baad meri Ummat mey 73 Firqey Houngey jin mey say 72 Firqey Jahanumi
Houngey aur Ek Firqa Jaanati hoga, tou Sahaba (R.A) ney Dariyafat kiya
Yaa Rasool Allaha woh kaunsa Firqa hoga? Aap ne farmaya jis raha per mey hou
aur mere sahaba. eske bawajud agar koi shaksh Rasool Allah ke Tareeqey kou
chode kar kisi aur ke tareeqey kou tarji deta hain aur es per aamal karta hain
tou woh kis muqam kou hasil kerta hain aap kudh faisla karey ?


Umeed hain ke Quran aur hadees per Aamal kerna koi naya firqa yaa naya mazhab nahi hain yehi aamal shru sey tha aur insha allaha Qayamat tak rahega.


Aab aaiye Hadees ke Nisbat kuch Ghour kerte hain Hadees-e-Mubarak ka Majmua Rasool Allaha ke Dour mey bhi moujud tha aur eske baad khulfa-e-rasheedin aur Sahaba (R.A) ke pass muntaqil hota raha Kisi ney Likh liya tou kisi
zabani yaad kerliya agar yeh naa hota tou Quran-e-azeem aur
Hadees-e-rasool per aamal kerna naa mumkin tha.

Eske Baad Doasri Saadi Hijri mey Aaima Arba aur Muhadeesin ney Mazeed Hadeeso kou Jama kerke Hadees ke Kitabe likhi hain jis kou saarey Aalam ke Ulma-e-karam Khas-o-aam es ke tasdeek kerte hain aur essey mutafiq hain

Doasri aur teesri Saadi ka Dour Aaima aur Muhadiseen ka raha Es waqt agar
koi masla darpesh aata tou log Aaima ke rai leyte theay, tou woh log Quran
aur Hadees sey apni rai pesh waa khayas pesh kerte huwe khofe-e-khudawandi
aur Taqwe ke Bina par Saaf Irshad bhi farmate theay key Agar unke Rai Quran
aur Hadees ke Khilaf hou tou essey chode dou aur Quran aur hadees kou apna
lou, es lehaz sey sub ke sub Ulma aur sub Musalman Quran aur Hadees per hi
Aamal kerte theay, Charo Imamo ney Aachi aur Saachi Baatein HI kahi hain
Enke Khol Kabil-E-ehtaram hain, aur kisi bhi Imam ney apni Taqleed aur Firqa
Bandi ke liye Nahi farmaya aur kisi ney khub kaha hai

Agar hou Muqalid tou Aamal ker ke Baatao
Bante hou Wafadar tou Wafa ker ke Baatao

 Pahlei Saadi tou kya Teesri Saadi mey bhi Taqleed aur nisbate aaima
ka Firqa Hanfi, Shafai, Maliki , Hambali ke Wajud Naa tha.

 Chouti Saadi Say Taqleed Shakshi Ke Ebteda hui magar Nisbat-e-aamina
ke naamo ke firqo ka Wajod Aamal mey naa aaya Phir bhi yeh Tasleem kerna hoga
ke Chouwthi saadi mey bhi es Nisbat-e-aaima ka Naam Manzar aam per Naa tha.

Fiqa ke Paheli Kitab Khaduri 428 Hijri mey Likhi Gai es ke baad aur kitabe likhi
Estarha Kitab Fiqa ke Tadween Paachivi (5) saadi sey hui aur ek baad yaad rakhe
ke Tadween-e-hadees shru sey hi hain.

Chowthi Saadi sey Chatvi (6) saadi tak Taqleed Taqleed Ka Silsila Jaari raha
Jab es ke raftar Roz-ba-Roz Badhti gai Yaha tak key 665 Hijri mey Saalatin
ke Jaanib sey Aksar Muqamat per Firqa Bandi ke saath Nisbat-e-aaima waa Mazahib
Hanfi, Shafai, Maliki, Hambali Char Qazi Muqarar huwe lehaza saathwi saadi sey
En Naamo ke Nisbat Manzar-e-aam per aai. aur Taqleed Shaksi ka Aaghaz huwa,
Yeh Naye firqe aur Mazahibo kou es Tarha Islam mey Dakhil kiya gaya, Ghour karne
ke Ek Khas baath yeh hain key (7) Saathivi Saadi mey Ek Islam ke Char Hissey
Ker kay Ek Ek hissey kou ek ek imam ke taraf nisbat ker ke muqalideen-e-aaima
ney eqtiyaar ker liya. yeh kis khader naa insafi ke baath hain aap hi bataiye?



Acchi tarha yaad rakho ke Aakhirat ke Paheli Manzil Kabr hain jissey Aakhirat
ke Imtihan ka Pahela percha Kehna Bey jaa naa hoga Allah Talaha ke Taraf sey
Teen Saawalat Kiye jayeange jin mey hergiz yeh naa puccha jayega ke Tera Mazhab Kiss Imam ka hain? Aur Tera Imam kaun hain balki Teen Saawalat wohi hounge jo Allaha ke Rasool (Pbuh) ney Batlaya hain aur woh yeh hain

Questions Answers

1. Tera Rub kaun hain? ------------ Mera Rub Allaha(SWT) Hain
2. Tera Din kya hain? ------------- Mera Din Islam Hain
3. Tere Nabi Kaun hain? ------------ Mere Nabi Mohammed (pbuh) Hain

(Note: yeh Hadees Abu Dawood mey hain)

Es Tarha Khabar ke saawalat sey Kamayabi hogi aur azzabe khaber se nijat milege Insha Allaha yeh saahi jawabat usko naseeb hounge jisney duniya mey sirf Islam per aamal kiya tha, aur agar eske khilaf kya ho tou zahir hai ke jawab bhi
Ghalat hounge.

Hadees:- Mohammed (pbuh) ney farmaya Roz-e-mehshar mey apne houz-e-kousar
per sub sey pahele pahuchunga jo mere pass sey guzre gaa woh es houz ka pani
peeyega, aur jis ey pee liya woh kabhi pyasa naa hoga. kuch log mere pass aayeange
jin kou mey pahechanta hounga aur woh bhi mujhe pahechatey hounge en kou mere
pass aane say rok diya jayeaga, mey kahunga yeh log mere hain Tou mujh se kaha
jayega " aap nahi jaante key aap ke baad en logo ney kya kya nai nai baatein
din mey neekali thi tou mey kahunga Douri Hou Douri hou ! yaani asie logo
kou mey apne pass se dhutkar dunga (Yeh Hadees Buqari aur Muslim mey Hain)

Aur Ek Hadees Suniye:- Hashar ke roz tamam log milkar Hazrat Adam (pbuh)
key pass hazir hounge aur kaheange ke aap Allah Talah ke Pass hamari
Sifarish kijiye, woh kaheange ke mey Allah Talah ke samne Jaane se Darta hou
tumhari sifarish kerne kou Taiyaar nahi hou tum sub falah falah ke pass jao
tou phir Tamam log Hazrat Nuh, Hazrat Ibrahim, Hazrat Musa , Hazrat essa (pbuh)
kay pass jayeage aur sub ke sub yahi kaheange ke Allaha Talah ke samne jaane
sey Darte hain aur hum es layaq nahi ke Tumhari Sifarish kare, tum sub Aakhri
Nabi Mohammed (pbuh) ke pass jao aur aakhir mey Mohammed (pbuh) key pass
hazir hounge tou aap sifarish kerne par aamada hou kar Darbar-e-khudawandi
ke Muqame-e-Mahmood mey Sajda zare hou kar Duwa kareange, aur allaha talaha
ke Ijazat say Shifat kar ke Jannat mey pahuchayeange (Hadees: Buqari)



Note: en sub hadeeso kou yaha per zikr kerne ka maqsad ke Aabe kauser aur
Shifat-e-rasool unlogo kou hi naseeb hogi jinhone sirf Mohammed (pbuh) ke
farmabardari mey apni aakhri Saans Chodi. ghour kariye ke jab koi nabi
sifarish nahi kar sakega tou kisi ummati ke kya hasiyat.

Taqleed ke Mazeed Tafseel:- Nouvi Saadi ke Ebteda mey Sultan Farq Bin Barwaq
Ney Makkah mouzama Baitulla shareef key ahtiya mey Musale Ibrahim ke Aalawa
Char Musale Hanfi, shafai, Maliki, Hambali Mazhab ke Naam sey Qayam ker diye
theay Halake Ebteda-e-Islam sey Nouvi saadi tak sirf ek hi Musala Ibrahim tha
es Tarha Yeh Naye Char Musaley ba-zor-e-Sultan Islam mey Dakhil Kiye Gaye.

Yeh Musaley (9)Nouvi Saadi say (13) Terhavi saadi tak barkarar rahe
Muqalidin apne apne Masle per mansub shuda Aaqedey ke Imam ke Saath Namaz
aada kerte rahe , ek musali ke baad doasre musal per Namaz aada kerne ka Intezam Tha.

(14) Choudavi Saadi 1343 Hijri mey Shah Abdul Aziz Bani Saudi Hukumat ney yeh
Naye Islam mey Dakhil Shuda Charo Musale kou Barkhast ker ke sirf ek hi Musala
Ibrahim kou apne Mukam per Khayam Rakha Jo Insha Allaha Qayamat tak rahega.

{Quran Aur Hadees Ke Tareef }

Quran:- Kitabe Ilahi kou kehte hain jo Lohe Mehfoz se Allah ke hukum se Allaha
ke Farishte Hazrat Jibrael Aleh salam ke zariye wahi say hamare Pyare Nabi
Mohammed (pbuh) Per thoda thoda kar ke 23 saal mey utara gaya.

Hadees:- Ke Lagawi Maane "Baath" kay hain, Allaha Talah ney Apne kalame pak
kou hadees kaha hain (Pls see on Quran: Surey Zamar Aayat 23)

Tarjuma:- Allaha Talah ney Bahatareen kalam nazil kiya hian.
Es aayat mey Quran kou hadees kaha gaya hain.

(Quran, Surey: jaashiya aayat 6)

Tarjuma:- Allah Talah aur es ke aayato ke baad yeh kiss baath per iman layeange
es aayat mey bhi quran ke aayat kou hadees kaha hain.

(Quran Surey Ahraf aayat 85)

Tarjuma:- Phir aap es ke baath kiss baath per Iman layeange?
es aayat mey bhi quran ke aayat kou hadees kaha hain.

Note: Islam mey Mohammed (pbuh) ke baath khoul, Faal, aur Taqreer kou Hadees kehte hain

1. Khoul: Es kou Kehte hain jo aap Mohammed (pbuh) ney Hukum Diya
2. Faal : ES kou kehte hain jo aap Mohammed (Pbuh) ney Aamal kiya
3. Taqreer: ES kou kehte hain jo aap Mohammed (Pbuh) ke Moujudgee mey Aamal
Huwa aur Aap ne Sakwat eqtiyar kiya , Lehaza Quran waa Hadees Islam ke Buniyad
Hain aur es ke Tasdeeq Allah Talah ka Kalam Quran Pak kerta hain.
{Paheli Saadi}

Era Of Prophet Mohammed (Pubh):- Aap Mohammed (pubh) Macca mey 13 saal guzare phir eske baad Allaha ke hukum se hijrat kar ke Madina Pahuche es Waqt se
San Hijri ke Ebteda hui hain. Mohammed (pubh) ney Madina Mey 10 Saal Guzare
es tarha Dour-e-Nabuwat 23 Saal Guzra Es Erse mey Shama-e-Islam ka Noor Sari
Duniya Mey Phel Gaya. Aur yeh sub ke sub musalman sirf Quran aur Hadees per hi
Aamal kerte theay kisi imam ke taqleed nahi

Dour-e-Khulfa-e-Rasheedin (Mishkat Jild 4 Page 59)

(1) Hazrat Abubakar Siddiq (R.a) ka Dour 11 Hijri To 13 Hijri
(Total: 2 Saal 3 Month 9 Days)

(2) Hazrat Umar Farooq (R.a) 13 Hijri To 23 Hijri (Total 10 Years 5 Months 4 Days)

(3) Hazrat Osman Ghani (R.a) 23 Hijri To 35 Hijri (Total 12 Years)

(4) Hazrat Ali (R.a) 35 Hijri To 40 Hijri (Total 4 Years 9 Months)

Mukamal Khulfa-e-rasheedin ka dour 29 Years 5 Months 13 Days.

Note: es Dour ke Tammam Musalman Sirf Quran aur Hadees per hi Aamal kerte theay Kisi Bhi Imam ke Taqleed Nahi kerte theay.

Dour-E-Sahaba Razi Allaha hu Talaha Anhu

40 Hijri To 100 Hijri (Nearly 60 Years)

Very Important: Paheli Saadi Ke Aakhri Sahaba Ikram (R.a) ke Tafseel .

(1) Madina Munnawara Ke Sahaba mey Hazrat Sohail Bin Saad (R.a) Baa Iqtelaf Riwayat 88(H) yaa 91(H) yaa 96(H) yaa 96 Years Yaa 100 Years ke age mey Wafat Paai.

(2)Basra Ke Sahaba Mey Hazrat Aanas Bin Malik (R.a) Ney Ba Iqtelaf Riwayat
90(Hijri) Yaa 93(Hijri) ziyada se ziyada 103 Saal ke age Mey Wafat Paai.

(3) Macca ke Sahaba Mey Hazrat Abultafeel bin wasa (R.a) Sab se Aakhri Sahabi
theay, enhoney 100(Hijri) yaa ba Iqtelaf riwayat 110 Hijri Mey wafat Paai.

Note: Estarha Paheli Saadi Ke Khatam hone ke Saath Saath Sahaba ka Dour Bhi
Khatam huwa, Paheli Saadi ke Musalman sirf quran aur Hadees per hi amal kerte
theay naa ke kisi imam ke Taqleed Kerte theay.


Mohammed (Pbuh) ke Dour Mey Tadween Hadees Ke Dalaeel (References)
Hamare Nabi Mohammed (pbuh) ke dour mey Quran ke Tarha Hadeesey bhi likhi
jaati thi eska bada ehtemam tha.

Mohammed (pubh) ney Farmaya

1. Elim aur Hadees kou likh kar muqeed kar liya karo (Hakim)
2. Abu Shah kou Meri Hadees wa Khutba likh kar dey dou (Buqari aur Muslim)
3. (Aay Abu Raafa (R.A) )Apne Daaye Haath say Meri Hadees Likh liya karo (Tirmizi)
4. Kalma Guh Musalmano ke Naam likh kar mujhe dey dou (Buqari)
5. Madina ke Yahoodio kou Saahifa-e-Aman likhwa kar diya tha, Mohammed (pbuh)
ney apne aur Yahoodio aur degair musalmano ke liye Aaman nama likhwa diya (Abu Dawood)
6. Hudebiya mey Suleh nama likhwaya gaya (Buqari)
7. Hazrat Ali (R.A) Farmate hain ke hum ney Mohammed (pubh) say Quran-e-majeed
likha hain aur es sahife yaani hadees ke es risaley kou (Buqari)
8. Hazrat Ibne omer (R.A) Farmate hain ke Rasool Allaha (pubh) ney Kitabul Sadaqa
Likhwai, phir aap ka Inteqal hou gaya, yeh kitab Hakimo ke pass rawana naa
ke jaa sakhi kay aap ke baad Hazrat Abu Bakar Siddiq (R.A) ney es per aamal
kiya, phir Abu Bakar ke Inteqal ke Baad Hazrat Omar (R.A) Ney es per Aamal kiya
ye kitab Hazrat omar ke khandan mey Mehfooz rahi, Hazrat Omar ke Poutey Hazrat
Salim (Rahmat ullaha aaley) ney yeh Kitab Hazrat Zahri (Rahmat ullaha aaley)
kou Padhne ke liye dee jissey Imam Zahri ney yaad ker liya, Es ke Nakal
Khalifa Omar bin abdul Aziz ney karai (Abu Dawood, Bahqi, Hakim)
9. Mohammed (pubh) ney apne aakhiri Ahad mey Hadees ke ek Zaqeem Kitab jis
mey Tilawat-e-Quran, Namaz, Roza, Zakat, Talaq, aur Degair Faraiz wa Sanan aur
Kabira Gunaho ke Tafseel Tahreer karwa key Hazrat umro bin hazm (R.a) Sahabi
Ke Marfat Yaman walo key pass bhijwai (Darulkhitni, Darmi, Bahqi, Musnad Ahmed,
Ibne khuzema, Ibne habban, Mouta Imam Malik, Sanan Nisai)

10. Harqal Baadshah ney Mohammed (pubh) ka woh Nama mubarrak maangwaya jo aap
ney Dehiya Kalbi kou 6 Hijri mey day kar Basra ke Hakim ke Pass bheja tha es
Ney woh Harqal key pass bhijwaya (Buqari Shareef).

11. Hazrat Maaz (R.A) ke Sahab Zade ka Inteqal Madine mey hou gaya, Hazrat
Maz (R.A) Yamen mey theay enhe bada ranj wa afsoos huwa tou Mohammed (pubh)
Nay Hazrat Maaz (R.A) ke Pass Taaziyat Nama Tahreer Farma kar Rawana Farmaya
(Mustadrak Hakim Jild:3 Page: 373, Tareeq Khateeb Jild: 3, Page # 89)

12. Hazrat Abu Hurera (R.A) say Marwi hain ke Sahaba Ikram (R.A) mey mujh
say ziyada hadees rasool kou riwayat kerne wala koi nahi hain, magar Abdullah
Bin Omer (R.A) essey Mutshani hain esliye key woh hadeeso kou likha kerte theay
aur mey likhta nahi tha sirf Zabani yaad ker liya kerta tha (Buqari, Tirmizi)

13.Hazrat Abu Hurera (R.A) 5376 Hadeeso ke Hafiz theay.


Important: Yaad Rakhiya es khisam aur bhi bohath sey daalail Moujud hain per
es waqt sirf Mouzu ke taawilat ke khauf say muqtasar say pesh kiye hain.
Jin say saaf zahir hain ke Mohammed (pubh) Apni zindagi mey hi apni hadeeso
kou khas ehtemam say mouqa ba mouqa likhwaya kerte theay, Sahaba Ikram ney
En Hadeeso kou jama aur Mehfooz kiya hain jis ke Tafseel yeh hain.

1. Sahifa Sadqa key naam say mashoor hain jissey Umro bin al aas (R.A) ney
Taiyaar kiya tha, esmey Hazaar sey kuch kam hadeesey hain jo Musnad Imam Ahmed
Mey moujud hain.

2. Ek Sahifa Saahiya ke Naam say mashoor hain jissey Hammam bin Munab Hazrat
Abu Hurera (R.A) ke Shagird ney Taiyaar kiya hain, eski Ahadees bhi Musand
Ahmed mey moujud hain, aur Imam Buqari aur Muslim ney bhi Apni Kitabo mey
Shamil ki hain, es majmua ka Qalmi Nuksa Aab tak Damishq aur Barlan ke Librario
Mey Mehfooz Hain.

3. Musnad Abu Hurera (R.A) ke Naam say yaad kiya jaata hain es mey Hazrat
Abu Hurera (R.A) ke Tamaam Marviyat Moujud hain aur es ka Qalmi Nuksa
Germany ke Library mey moujud Hain.

4. Ek Sahifa Hazrat Ali (R.A) ke Naam say Mashoor Hain.

5. Hajjatulwida kay Khutbe kou kudh Rasool Allaha ke hukum say likha gaya hain.

6. Sahifa Aaisha (R.A) jissey Umro bin Zubair (R.A) ney Taiyaar kiya tha.

{Doasri Waa Teesri Saadi}

Weeladat Aaima Arba

(1) Name: Hazrat Imam Abu Hanifa (Rahemat ullaha Aale)
Sanwiladat: 80 Hijri
San Wafat : 150 Hijri
Total AGe : 70 Years
Birth Place: Kufa (Iraq)
Name of Book: --------------- (NO)

(2) Name: Hazrat Imam Malik (Rahemat ullaha Aale)
Sanwiladat: 93 Hijri
San Wafat: 179 Hijri
Total Age: 82 Years
Birth Place: Madina
Name of Book: Mouta


(3) Name: Hazrat Imam Shafai(Rahemat ullaha Aale)
Sanwiladat: 150 Hijri
San wafat: 204 Hijri
Total Age: 54 Years
Birth Place: Misr
Name of Book: Musnad Shafai


(4) Name: Hazrat Imam Ahmed Ibne Hambal (Rahemat ullaha Aale)
Sanwiladat: 164 Hijri
Sanwafat: 241 Hijri
Total age: 77 Years
Place of birth: Damishq (Syria)
Name of book: Musnad Ahmed

Note: Doasri Saadi Hijri say Aaima Arba ka Dour Shru huwa, hamare nabi
Mohammed (pubh) ke saathi sahaba (R.A) Allah kou pyare hou gaye, aaye din
logo kou maasil ka pesh aate rahete theay, yaha sey millate Islamia ka Dour
shru huwa, aab yehi charo imam apne apne ilaako mey bohath mashoor theay
en Hazrat ke pass koi masla aata tou woh Quran aur Hadees pesh kerte yaa
apni rai aur khiyas sey kam leyte aur Allaha se darte huwe yeh Elaan Kerte
Ke Saahi Hadees hi Mera Mazhab Hain.

(1) Hazrat Imam Abu Hanifa ney Kufa mey Zindagi guzari Jaha ka Siasi Sheraza
Muntashar tha woh Maqtile Hussain (R.A) raha Ahle Tashree ka Markaz tha waha
Imam Sahab kou Bohath Kam Hadeesey Hasil Hui Jis ke wajhe say Ziyadatar
Maasail woh Rai waa Khiyas sey haal kerte theay aur saath hi yeh Hidayat deyte
ke Mohammed (pubh) ke hadees agar tumhe es masle mey mil jaye tou meri baath
kou radh kar dou aur Hadees kou apna lou.

(2) Hazrat Imam Malik Madina mey Zindagi guzari, aur Mohammed (pubh) ke Hadeeso
kou jama kiya aur apni kitab ka naam Mouta Imam Malik Rakha jin ke wajhe sey
Maasail mey enke Rai Bohath kam milti hain.

(3) Hazrat Imam Shafai ka Pahela Dour Basra mey aur Doasra Dour Misr mey guzra
aur Mohammed (pubh) ke Hadeeso kou jama kiya aur apni kitab ka naam Musnad Shafai Rakha.

(4) Hazrat Imam Ahmed Ibne Hambal bhi Hadeesey Jama kerne mey Mashgul Rahe
Hadees-e-Nabawi Ka bohath bada Hissa enke Haath aaya apni kitab ka naam
Musnad Ahmed Rakha, Imam sahab ke saarey Maasail Rai aur Khiyas sey beniyaz hain.

Aab Zara Suniye ke charo Imamo ne Kya Kaha?

Allha Rahemate Nazil karey en charo Imamo per jinhouney kitni haq baatein
Kahi hain.

(1) Hazrat Imam Abu Haneefa (R.A) Farmate hain , Merey Khol Per Fatwa dena Haram hain jab tak Meri Baath ke Dalil Malum Naa Kerlou (Mezan Al Sharani, Aqeedal jaid Page # 80)

(*) Jab mera Khoul Quran Ke Khilaf hou tou essey Chode dou, Logo ney Puccha
Jab aap ka khoul Hadees Ke Khilaf hou ? farmaya es waqt bhi chode dou
Phir log ne Puccha Sahaba (R.A) ke Khilaf hou tou? Kaha Tab bhi Chode dou
(Mezan Al Sharani, Aqeedal jaid Page # 53)

(*) Jab Dekho ke Hamara Khoul Quran aur Hadees Ke Khilaf Hain tou Quran aur
Hadees per Aamal karo aur Hamare Khoul kou Deewar Per dey Maro.
(Mezan Al Sharani, Aqeedal jaid Page # 53)

(*)Hazrat Abu Haneefa Farmate hain ke Saahi Hadees hi mera Hazhab hain (Aqeedatul Jaid)

(*) Jo Hadees Say Sabit Hou woh Sar Aankho Per (Zafar Al Aamani)

(*) Meri Taqleed Naa karna, aur naa Imam Malik ke aur naa kisi aur ke Taqleed
Kerna, Ahkam-e-din Waha se lena jaha sey Enho ney liye hain yaani Quran aur
Hadees say (Tohfa Al Aziya fee Bayan al barar)

Note: En Tammam Baato say Saaf zahir hain ke Imam Abu Haneefa ka Aqeeda
aur Mazhab Sirf Quran aur Hadees Hain, Allah Talha en ke khabr kou Noor sey
Bhar dey (aamin)

(2) Hazrat Imam Malik (R.A) Farmate Hain Duniya mey asia koi Insaan Nahi jis ke baaz Baatein Saahi aur Baaz Baatein Ghalat naa hou Phir Eske Saahi Baatein lee jati
Hain aur Ghalat Chode dee jaati hain, Siwaye Hazrat Mohammed (pubh) ke Tamaam
Baatein Saahi aur Durust aur Maan hi lene ke layeq hain ek baath bhi saari zindagi
ke chode ney ke layaq nahi (Aqeedatul Jaid Page # 70)

(*) Mey Sirf ek Insaan hou, Kabhi meri baath saahi hoti hain aur Kabhi Ghalat
tou tum meri es baath kou jou Quran aur Hadees ke Mutabik hou lay liya karo
aur es baath kou jo es ke khilaf hou chode diya karo, yaani meri Taqleed Math
karo.

(*) Bus tum meri rai per ba ghour Nazar karo aur agar woh Quran aur Sunnat
ke Muafiq hou tou khubul karo aur jab khilaf dekho tou tark ker dou.

(3) Hazrat Imam Shafai(R.A)Farmate hain jab mey koi masla kaho aur Rasool Mohammed (pbuh)
Ney mere khoul ke khilaf kaha hou tou jo masla Hadees hou jaye bus wohi lou aur
Meri Taqleed math karo (Aqeedatul Jaid Page # 70)

(*)Jab Saahi Hadees Mil jaye tou mera Mazhab wohi hain, aur jab mere kalam
kou Hadees ke muqalif dekho tou hadees per aamal karo aur mere kalam kou
Deewar Per dey Maro (Aqeedatul Jaid Page # 70)

(*) Imam shafai ney apni Taqleed aur ghair ke Taqleed kerne say maana kiya hain.

(4)Hazrat Imam Ahmed Ibne Hambal (R.A) Ney Farmaya Hargiz naa meri Taqleed kar
Naa Malik (R.A) ke Aur Imam shafai (R.A) ke aur Naa Imam Auzai ke aur naa
Imam Suri ke , Jaha say yeh Tamam Imam Din ke Ahkam waa Masail Layte theay
(Quran aur Hadees) Tum bhi wahi say hi Leena (Aqeedatul Jaid Page # 70)

Note: En Charo Imamo Muhtaram Imamo ke khoul say yeh Baath Saaf Zahir hoti
Hain ke Hazrat Mohammed (pubh) ke hadees ke Mutabik Maa Aana Alaihi Wa Ashabihi
kaa Rasta Eqtiyar kerne ka hukum Farmaya, Yeh sub ke sub Quran aur Hadees per
Aamal Kerte theay, Yehi enka Mazhab tha, en charo Buzurgo ney apni Taqleed say
Maana kiya aur kisi ney bhi Alag Mazhab apne naam say mansoob kerke Murtib
Nahi kiya, Huzoor (pubh) ney farmaya sub say bahetar Ahle Zamana Mere Hain,
Phir woh jo en ke Baad wale hain, apne zamane ke baad Dou Zamano ka Zikr Kiya
(Sahi Buqari)

Aalama Ibne Hajr (R.A) Fateh Albari Para # 4 Babul Fazail Ashabe Nabawi (pubh)
mey Tehreer Farmate hain, Tabe Taabain 220 saal tak Zinda Rahe enke zamane
mey bhi kisi ke Taqleed yaa kisi ke Naam ka Mazhab Naa tha.

Kitab-e-Hadees Ke Mazeed Tafseel


(1)Muhadees Ka Naam: Hazrat Abu Mohammed Abdullah Abdul Rahman Bin Fazal R.A
Weeladat : 180 Hijri
Waafat : 255 Hijri
Total Age : 75 Years
Sakin : Samar Khand
Name kitabe Hadees: Darami

(2)Muhadees Ka Naam: Hazrat Abu Abdullah Mohammed bin Ismail Buqari (R.A)
Weeladat : 194 Hijri
Waafat : 256 Hijri
Total Age : 62 Years
Sakin : Buqara
Name kitabe Hadees: Buqari Shareef

(3)Muhadees Ka Naam: Hazrat Abu Dawood Sulaiman Bin Ashas (R.A)
Weeladat : 202 Hijri
Waafat : 275 Hijri
Total Age : 73 Years
Sakin : Basra
Name kitabe Hadees: Abu Dawood


(4)Muhadees Ka Naam: Hazrat Abul Hasan Muslim bin Hujam (R.A)
Weeladat : 204 Hijri
Waafat : 261 Hijri
Total Age : 57 Years
Sakin : Neshapur (Kharasan)
Name kitabe Hadees: Muslim Shareef

(5)Muhadees Ka Naam: Hazrat Abu Eesi Mohammed Bin Eesi Bin Surah (R.A)
Weeladat : 209 Hijri
Waafat : 279 Hijri
Total Age : 70 Years
Sakin : Tarmaz
Name kitabe Hadees: Tirmizi

(6)Muhadees Ka Naam: Hazrat Abu Abdullah Mohammed Bin Yazeed Bin Marjar baaie
Weeladat : 209 Hijri
Waafat : 273 Hijri
Total Age : 64 Years
Sakin : Iraq (Kharyen)
Name kitabe Hadees: Ibne Maaja

(7)Muhadees Ka Naam: Hazrat Abdul Rahman Bin Ahmed Bin Shoaib (R.A)
Weeladat : 215 Hijri
Waafat : 303 Hijri
Total Age : 88 Years
Sakin : Qharasan
Name kitabe Hadees: Nisai

(8)Muhadees Ka Naam: Hazrat Abu Hassan Bin Ali Bin Omar (R.A)
Weeladat : 305 Hijri
Waafat : 385 Hijri
Total Age : 80 Years
Sakin : Baghdad
Name kitabe Hadees: Darulkhitni

(9)Muhadees Ka Naam: Hazrat Abu Bakar Ahmed Bin Hussain (R.A)
Weeladat : 384 Hijri
Waafat : 458 Hijri
Total Age : 74 Years
Sakin : Baheqi (Neshapur)
Name kitabe Hadees: Baheqi

(10)Muhadees Ka Naam: Hazrat Shaik wali uddin Mohammed bin abdullah Khateeb (R.A)
Weeladat : 435 Hijri
Waafat : 516 Hijri
Total Age : 81 Years
Sakin : Muru (Tabeez)
Name kitabe Hadees: Mishkat

Note: Mashoor Kutub-e-Hadees Darj Ke gai hain en ke aalawa aur bhi Hadees ke kitabe likhi gai hain

(*) Hazrat Shaik Abdul Qadir Jeelani (R.A)
Weeladat: 470 Hijri
Waafat: 561 Hijri
Total Age: 91 Years
Sakin : Baghdad (Iraq)
Name of Books: Ghaniyatul Taleebin, Fateh Rabbani

Shaik Abdul Qadir Jeelani Ney Apni Kitab Fatuh Al Gayeb Mey Kitni Zabardast
Nasiyat waa Hidayat Farmai Hain aur who yeh hain.

(*) Quran aur Hadees kou Apna Imam Bana lou aur ghouro fikr ke saath en ke
Mutala kiya karo edher udher ke bahes, takrar aur Hiras ke baaton mey
Naa phas jao, sirf Kitab Allaha Aur Sunnat-e-rasool (pubh) per Amal karo.
Aur Haqeeqat Samjho ke Quran ke Aalawa hamare pass Amal ke Qabil koi Kitab
Nahi hain aur Hazrat Mohammed (pubh) ke Siwa hamara koi Rahebar nahi jis
ke hum tabdari kare. Kabhi Quran aur Hadees ke daire say baaher naa jaana
Warna khawaish nafsani and Aghawa-e-shaitani Tumhe seedhe raaste say bhatka
deange, yaad Rakho Insaan Auliya Allaha aur Abdaal ke Darje per bhi Kitab
Allaha aur Sunnate Rasool (pbuh) per Aamal Kerne say hi Pahuch sakhta hain
(Fateh Al Ghaeb)

Taqleed Shaksi Ke Tareef

(*) Muqaliq ke Daleel es ke Mujtahid (Imam) ka Khoul Hain, Naa woh Kudh
Tahqeeq Tahqeed Ker sakhta hain aur Naa Apne Imam ke Tahqeeq Per Ghour
Ker sakhta hain (Muslim al saboot Mujtabani)

(*) Hazrat Mulla Ali Qari Hanfi (R.A) Farmate hain, Ghair-e-Nabi (Imam) Key
Khoul kou bhaghair Daleel Maana Taqleed Hain (share Khaseeda Aamali)

(*) Naa koi Fatwa Diya Jaye aur Naa hi Aamal kiya jaye Mager Faqat Imam ke
Khoul per (Durre Muqtar Jild Awwal)

Chouthi Saadi Hijri

Tawleeq Shaksi ke Ebteda Chouti Saadi Mey hui (Aalamul Muquaeen Jild 1 Page # 222)

(*) Tazkaratul Ahfaz Page Page # 202 Mey hain ke Rasool (pubh) say Lay kar
Teeno Zamano Qairul Quran Tak Taqleed ka wajood hi naa tha, Khairul Quran
Kay Baad Taqleed ka Wajood Paya jaata Hain, Chouti Saadi say Cheeti Saadi Tak
Esi Tarha Taqleed Ka Silsila Raha.







Paanchvi Saadi Hijri

List Of Few Fiqah Books

(1) Name of Book: Khaduri (Fiqah Ke Paheli Kitab)
San Tasneef : 428 Hijri

(2) Name of Book: Heedaya (Fiqah ke Moutabar Kitab)
San Tasneef : 593 Hijri

(3) Name of Book: Qazi Kha
San Tasneef : Cheeti Saadi

(4) Name of Book: Fatawa Al Wahiya
San Tasneef : Cheeti Saadi

(5) Name of Book: Maniya
San Tasneef : Saathvi Saadi

(6) Name of Book: Qaniya
San Tasneef : Saathvi Saadi

(7) Name of Book: kanzal Al daqalaq
San Tasneef : 710 Hijri

(8) Name of Book: Share wiqaya
San Tasneef : 745 Hijri

(9) Name of Book: Nihaya
San Tasneef : Aathvi Saadi

(10)Name of Book : Aanaya
San Tasneef : Aathvi Saadi

(11) Name of Book: Tehtavi
San Tasneef : Aathvi Saadi

(12) Name of Book: Jamia Al Ramoz
San Tasneef : Aathvi Saadi

(13) Name of Book: Fateh Al Qadeer
San Tasneef : Navi Saadi

(14) Name of Book: Bazazia
San Tasneef : Naavi Saadi

(15)Name of Book: Khilasa Keedai
San Tasneef : Naavi Saadi

(16)Name of Book: Haaliya
San Tasneef : Naavi Saadi

(17)Name of Book: Behraer raqaeeq
San Tasneef : Dasvi Saadi

(18)Name of Book: Ghaniyat
San Tasneef : Dasvi Saadi

(19)Name of Book: Tanveer Ala Absaar
San Tasneef : Dasvi Saadi

(20)Name of Book: Zaqeeratul Aqbi
San Tasneef : Dasvi Saadi

(21)Name of Book: Durr-e-Muqtar
San Tasneef : 1011 Hijri

(22)Name of Book: Fatawa Khairiya
San Tasneef : Giarwi Saadi

(23)Name of Book: Fatawa Alam Giri
San Tasneef : 1118 Hijri

(24)Name of Book: Mala Bud Mina
San Tasneef : 1225 Hijri

(25)Name of Book: Baheshte Zevar
San Tasneef : 1225 Hijri

(26)Name of Book: Maraqi Al Falaha
San Tasneef : Terahwi Saadi

(27)Name of Book: Umdatul Aryaat
San Tasneef : Terahwi Saadi

Note: En mashoor Fiqah Ke Kitabo Ke Alawa Kuch Aur Keetabe aur bhi hain.











Saathvi Saadi Hijri

* Saathvi Saadi Hijri Mey Paheli Martaba Char Qazi (Nisbate Aaima) Muqarar
Kiye Gaye, aur rafta rafta Muqaleedin ke Taadat Badhti gai aur Salatin ka
Meelan bhi Taqleed hi Ke Taraf Hou Gaya. Her Ek Baadesha Apne Hum Khayal kou
Qazi Muqarar kerta aur her ek Firqa apne apne Mazhab kou faruq deyta gaya.
Naaiz ek doasre kou malgub kerne ke tadbeere kerne lage.
Baala Aakhir Shah Babres Ney 665 Hijri Misr waa Khaira mey Char Mazhab ke
Char Qazi Hanfi, Maliki, Shafai, Hambali Muqarar Kiye, Yehi Tareeq Jaari hou
Gaya, es kou Sarkari tour per Charo mazhab kou bar haq Tasleem ker liya gaya.
es tarha Char Mazhab Islam Daqil Kiye Gaye.

Note: Ek Din-e-Islam ke char Tukde ker diye gaye, Yeh Nisbate Aaima Saathvi
Saadi Hijri say shru hui, Aathvi saadi Hijri bhi Esi Haal mey guzri.

Naavi Saadi Hijri

Char Musale (Nisbate Aaima) Kaabe Mey Qayam Ker diye gaye, Chunache Aawayal
Naavi Saadi Mey Chara kiya ka Sultan Faraq Bin Barqooq ney Kaabe Kay Ahtaye
Mey Musale Ibrahim Ke Aalawa Yeh Naya Ejad Char Musale Hanfi, Maliki, Shafai,
Hambali Qayam Ker diye. Es ke baad en Charo Musalo kou Dakil-e-Din Samjha
Jaane Laga (Aalaa Shokani (R.h) Farmate hain ke es Zamane ke Ahle Ilm nay
eske Shadeed Muqalifat Ke. (Aala Irshad Page # 58)

Note: Yeh Naye Ejad Kiye Huwe Char Musale 9 Hijri Say 13 Hijri Tak Barabar
Qayam Rahe.

Choudvi Saadi Hijri

Charo Musale (Nisbate Aaima) Barkhast Kiye Gaye, Bani Saudia Hukumat
Shah Abdul Aziz nay 1343 Hijri mey Barkhast kar ke sirf ek Musala-e-Ibrahim
jo Ebteda-e-Islam Say tha Hasab Sabiq Barkarar Rakha jo Aab tak moujud hain
Es Musale say hi Tamaam Namaze Ada hoti hain (Alhamdullillaha)

Note: Aziz Dosto Hum Ney yeh ek choti si koshish ke hain ke aap kou
Daleel ke saath kuch Taqleed ke Bare mey roshni daali agar aap sirf
Tahkeeq ke neeyat say essey dekheange tou aap kou malum hou jayega ke
Kya hum kisi maslak , kisi jamat yaa kisi aur ke Taqleed jayaz hain yaa
Hamey Her Masle mey Quran aur Hadees ke Taraf Ruju hona hoga ?









Ahkamat-e-Rabbani (Quran say)

(*) Mohammed (pubh) ke Zindagi Tumhare Liye ek umda aur Mukamil namuna
hain (Sure Ahzab Aayat # 21)

(*)Jis Ney Rasool Mohammed (pubh) ke etaath ke Dar haqeeqat usne Allaha ke
Etaath ke (Sure Nisa Aayat # 80)

(*) Kasam Hain Tere Rub ke Yeh Momin Nahi Ho Sakhtey Jab tak yeh Tujhe
aapas ke Jhagdey Mey Hakim Naa Maan ley aur phir jo hukum Tum Lagado essey
azaad naa hou, Balke Purey Tour Per Essey Maan lay. (Surey Nisa Aayat # 65)

(*) Aaye Iman Walo! Islam Mey Purey Ke Purey Dakhil hou Jao aur Shaitan ke
Pairwi Math Karo kyu ke woh Tumhara Khula Dushman Hain (Surey Baqra aayat # 208)

(*) Agar Tum Allaha say Mohabaat Rakhte hou tou meri Eteba karo, Khuda tum
Say Mohabaat karega, aur tumhare Gunaha Maaf kar dega, Khuda Bakshne wala
Maherbaan Hain (Surey Al Imran Aayat # 13)

(*) Aaye Iman Walo! Allaha aur Rasool (pbuh) aur apne mey say Farmabardaro
Ke Taadari karo, Phir Agar Kisi Mamele Mey Jhagda Aa Padey tou es kou Allaha
Aur Rasool (pbuh) ke Taraf Phair dou, agar tum Allaha Aur Qayamat per Yaqeen
Rakhte hou (Surey Nisa Aayat # 59)

(*) Aaye Iman Walo ! Allaha aur Es ke Rasool (pubh) ke Etaath karo, aur apne
Aamal Barbad naa Karo (Surey Mohammed Aayat # 33)

Note: Insha Allaha Quran ke en aayato say yeh saabit huwa ke Rasool (pubh)
ke Aalawa kisi ke Tabadari kerna Durust nahi Allaha hum sub kou Toufeeq
day ke hum Sirf Quran aur Sunnat per Aamal Karey (Aameen)


Aaiye Aab Kuch Hadees Sune

(*) Tum Mey Say koi Momin Nahi ho Sakhta Jab Tak Mey eske Nazdeek Eske
Waalidain, Aulaad, aur Tamaam Logo Say Ziyada Mehboob Naa Hou Jaoun
(Buqari Kitabul Iman Page # 7)

(*) Jis Ney Meri Sunnat Say Mohabbat Ke Goya usne Mujh Say Mohabbat ke
Aur Jisney Mujh say Mohabbat ke woh Mere Saath Jannat Mey Hoga (Tirmizi, Mishkat)

(*) Jo Meri Sunnat Say Rugardani Karega woh Mujh say Nahi- Yaani Meri Ummat
Mey eska Shumar Naa Hoga (Buqari, Muslim aur Mishkat)


(*)Agar Tum Meri Sunnat kou Chode dou gey tou Gumrah Balki Kafir hou Jao gey
(Mishkat)

(*) Mey Tum mey do Chize Chode jaa raha hou jab tak tum En dono kou Mazbuti
say Thamey Rahogey Hazgiz Gumrah naa hogey (woh Do Chize Allaha ke Kitab Quran
aur eske Rasool ke sunnat hain) (Mishkat)

(*) Hazrat Abu Hurera R.A Riwayat kerte hain ke Rasool (pubh) ney Farmaya
jis ney Meri Ummat ke Fasad ke Zamane mey meri Sunnat per Mazbooti say Aamal
Karega ussey 100 Shaeedo ka Sawab Mileyga (Mishkat, Behqi)

Note: Insha Allaha En Hadeeso say Sabit huwa ke Quran aur Hadees per Aaamal
kerne ke siwa Doasra koi raasta Nahi, Yehi hamara maslak hain.


Hamara Watan Jannat Hain

Hamara Watan Jannat jo Hameshage wala Rahamat ka Muqam Hain

Allaha Talha ney Hazrat Adam (pubh) kou Bana kar En ka Muqam Rehaish Jannat
Qarar Diya, Aur Adam ke Peeth say En ke Aulaad Nekali (Yani Qayamat tak paida
hone wali Ruhey)kudh enko enka Gawah Bana diya, jab Allaha Talha ney Saawal
kiya ke Mey Tumhara Parwarish kerne wala nahi hou ? Tou Sub ney jawab diya
ke Beshak tou hamara rub hain.

Aur Tamaam Malaika Waghaira kou Hukum-e-Khudawandi huwa ke Aadam kou Sajda
Karey, es hukum ke Farma Bardari Tammam Malaika ne ke, Sirf Shaitan ney naa
Farmani ke, jis ke wajha say woh Laanati huwa, Aur Jannat say nekala gaya.
Shaitan AZal say hi Insaan ka khula Dushman Hain, esi Shaitan ney Adam kou
Allaha Talha ke Hukum ke Khilafwarzi per bhadkaya jo Adam (pubh) say Allaha
ke Hukum ke Naa farmani hui, esbina per Adam (pubh)kou enke Paidaishi watan
Jannat say Zameen per utara gaya kuch Mudat ke Baad woh Touba Astaghfar ker ke
Allaha ke farmabardari ke saath Zindagi Guzar ker es duniya-e-fani say apne
watan Ruqsat Huwey, es lehaz say hamara Asli Watan Jannat Hain.

Mere Aziz Dosto Hum Aakhri Nabi Mohammed (pubh) ke Ummati hain aur Khair-e-ummat
ke Laqab say Nawaze Gaye hain, aur hamara watan Jannat hain, tou kya yeh
Tammana nahi hain ke Hum Apne Watan Jannat kou Wapas Jaye ? Jawab Sub ka ek hi
hoga ke beshak hum apne watan Jannat mey Jaane ke Arzoomand hain, tou phir
arz karunga ke Farmane Khuda wandi Hain.

(*) Ussi ke Pairwai karo jo Tumhare Rub ke Jaaneb say Utara Gaya hain, eske
siwa aur Rafeeqo ke Tabdari mey naa lag jaana (Surey Ahraf Aayat # 3).

essey saaf zahir hain ke hum quran aur hadees per Aamal kar ke seedha raasta
tay kerte huwe es duniya say apne asli watan Jannat kou wapis hou jaye es aayate
Kareema ke roshni mey kisi kou yeh haq hasil nahi hota ke Quran aur Hadees kou
Chode kar kisi Ummati ke Pairwi karey.


Raahe Jannat

(*) Abdullah bin masood (R.A) Riwayat kerte huwe kehte hain kay Mohammed (pubh)
Ney Hamare liye ek (seedha) khat keecha, phir farmaya ke yeh Raah Allaha ke
Hain, Phir Aap ney seedhe khat ke daaye baaye kuch (teerchey) khat keecheay
aur Farmaya yeh Raahey hain en mey say her raah per shaitan Hain jo Pukarta
Hain es raah ke taraf phir Mohammed (pubh) Ney Quran ke yeh aayat padhi
Tarjuma: Aur Tahqeeq Yeh Hain Rah Meri Seedhi Bus Pairwi Karo es ke
(Surey Inam Aayat # 153)

Note: Jo Naksha Mohammed (pubh) Ney keecha woh hadees ke keetab
(Ahmed, neesai, aur darmi mey hain) yeh hadees bhi wahi say lee gai hain.

(*) Hazrat jaber R.A say Riwayat hain kehte hain ke Hum Mohammed (pubh) ke
Kidmat Mey bhaite huwey theay ke aap (pubh) ney ek Seedhi Lakheer Keechi
Phir do Lakeere (Teerchi) eske Daaye aur do Lakeere (Teerchi) eske Baaye
Keechi phir darmiyani (seedhi) Lakeer per haath rakh kar farmaya yeh Allaha
ke Raah Hain (Ibne Maja).

Note: woh Naksha Ibne Maja mey moujud hain.
En Dono Hadeeso waa shukul ka matlab ek hi hain Mohammed (pubh) ney
Darmiyani seedhi Lakheer kou Allaha ke Raah Kaha hian.

(*) Rasool (pubh) ke Etaath Allaha ke Etaath hain (sure Nisa Aaayat # 80)

Es aayate kareema say Allaha Ka enkeshaf hou raha hain ke Rasool (pubh) ke
Pairwi kerna aur enke Naqshe Qadam per Chalna Gooya Allaha ke Raah per chalna
hain, es tarha say Rasool (pubh) khoul waa fail ke Raah Taa Qayamat raah Amal
hain, aur essey saaf Zahir hota hain ke Quran aur Hadees ke Raah Jannat hain
aur en hi per aamal ker kay Jaanat mey Daqil hou Jaye.

(*) Quran aur Hadees Maqsade Zindagi hona chaiye, chuke yeh Duniya Mahulat ka
Muqam hain, es kou Ek Roz Chodna hain, esliye Zindagi ke Tamaam Manazil
Kitab-o-Sunnat ke Mutabiq tay kerte huwe Aakhri Saans chodna hi Kaameyabi
ke Manzil hian aur woh Aakhri Manzil Jaanat hain.
Paigham-E-Elahi

(*) Aay Iman Walo Apne aap kou aur apne Ahlo Aayal kou Dozaq ke
Aag say Bachao. (Surey Tahreem Aayat # 6)

Tashree: Roz-e-qayamat es ke Baaz paras hogi, es neejat ke liye, Islami
Taleem waa Tarbiyat say Apne Ahlo Aayal kou waqif kara ke Baa Aamal Banane
ke Koshish karey, yeh Sadare Khandan ke Bohath Ahem Zimmmedari hain aur
Hidayat dena Allaha ke Eqtiyaar mey hain hum sirf koshish ker sakhte hian aur
Duwa ker sakhte hain.

Paigham-E-Rasool

(*) Rasool (pubh) ney farmaya ke baap apni aulaad kou ju kuch deyta hain
es mey sub say bahetar aatiya eske acchi taleem aur tarbeeyat hain. (Tirmizi, Mishkat)

Explanation: Waaliden ka Bahetareen Aatiya Aulaad ke Saahi Taleem wa Tarbiyat
hain Islam ney Baccho ke Taleem wa Tarbiyat kay silsiley mey bohath hi Takeed
Ka hukum diya hain, es hadees ke maine yeh nahi hian ke koi aatiya hi naa
diya jaaye yaa jayedad warsa mey naa chode jaaye balke avaliyat aur sub say
ziyada Ahmiyat Taleem aur Tarbiyat kou dee jaaye.



Apne Aamal kou Zaya naa Karo

Kafir aur Musalman mey Taqabil key silsiley mey ek baath aarz ker dena zaroori samajhta hou, woh yeh ke Aakhirat ka Inkar kerne wala Kafir Kitna bhi Naik Kam Kare es kou Sawab nahi milta, Balke Duniya hi mey kuch Naseeb hou jaata hain Bar Khilaf es ke Aakhirat ka Eqrar kerne wala Musalman Agar Quran aur Hadees ke Mutabik Aamal Naa Karey tou eska koi naik kam Khuwa woh kitna hi Bahetar hou Allaha Talaha ke pass Khabil-e-khubul nahi hota aur naa es kou jannat naseeb hoti hain.

Ek Guzarish

Hum Allaha say duwa kerte hain ke aay Dilo kou phare wale Tamaam Musalmano ke Dilo kou apne Khalis Islam ke Taraf Aamal kerne ke taraf Phare day aur Hamey Hidayat Naseeb Farma (Aameen)

Hamari Aap sub say yehi Iltija hain yehi guzarish hian yehi khawaish hain
yehi darkhast hain yehi hamari daawat hain yehi hamara manhaj hain key hum Apne Tamaam Tar Eqteelaf kou meeta kar ek hou jaye aur Firqa Parasti say baaz aa jaye balke ek hou ke ek Allaha kay Deen kou Phaylane mey lag jaye, yaad rakho kay Allaha kou hamari zaroorat nahi hain balki hum kou Allah ke rahem-o-karam ke zaroorat hain, mere bhaiyo naa hum kisi firqey kou maante hain naa kisi jamaat kou, hum ney apna Imam sirf aur sirf Mohammed (pubh) kou maana hain, Allama Iqbal ney kaha tha, Firqa Parasti hain kahi , aur kahi zaatey hain kya zamane mey Panap ney ke yehi baatein hain, agar aap kou es mey kahi kuch ghalat nazar aa jaye tou hamari eslah zaroor ker di jiyega, Allaha aap kou jaza-e-khair deygaa, Allaha hum sub kou Quran aur sunnat pay Aamal kerne ke Naik toufeek ata farmaye (Aameen)





Similar Topics Collapse

0 user(s) are browsing this forum

0 members, 0 guests, 0 anonymous users

Welcome to HCY Forum
Please Login or Register to use full features.